===================
صمت السكات في قلبي نطق
قلبي إرتعد اتنفض
لما إترمي الولد علي أرضها
بيدور علي حلمه اللي إتسرق
وبدمه إتخضبت إيدين الثكالي
والأرامل الحزانا
علي مدبحك يامصر
انا مش ضحيه
انا شهيد انا ياسين وانت بهيه
زى النهارده اتولدت من جديد
زفتني يامصر الملايكة
لحور العين وانا سعيد
يمكن وحشاني بلادى
وحشاني عيون بحبها
وحشاني قلوب كنت بتدفا بحضنها
عامله آيه يامصر دمي راح
ولا فجرك لاح
ولقي جزاته اللي بيك غدر
أوع يامصر يكون ظهرك إنكسر
واللي مت عشانه إنحصر
في سقوط نظام
ووقفة إعتصام
لأ يامصر الحر فيكي م قام
وانتفض إلا عشان يرجع الغزل لنولك
علشان قطنك يفرح عيونك
علشان رغيفك يبقي من أرض خيرك
علشان ولادك يرجعولك
والبسمه تاني ترجع لوش النهار
وتعود ليالي الصحبه والسمار
انا الشهيد يابهيه انا ياسين
زى النهارده إتولد من جديد
=============
Sarah Barnawi مساء الخير وفاء ..دايما متميزة جدا ..يآه ...ياسين وبهية ...والقصص الشعبية ..اللي من القلب للقلب بتوصل بمعانيها الشجية ..جميلة انت يا وفاء لما بترجعينا لمصر الفتية ..ويرجع الحلم فينا يغني أغنية ..على لسان الشهيد اللي دفع دمة دية ...علشان مصر تفضل عزيزة وأبية
- Emly Ebrahimرسمتك مصر زهوراً تفوح
وطيبا رقيقا لكل الجروح
وصوتا نقيا ينشد حبك
يصرخ بالحب دوما يبوح
يسيل كقطرة من ندى
ويغدو الصوت ويغدو الصدى
ويغدو الرشاد ويغدو الهدى- فارس الحريهأنا فداكى ياأمى يام البلاد .... وفداكى روحى ودمى وأغلى الولاد .... وان مت لاجلك مش راح اموت ........علشان فى ارضك فيه الف صوت .......هينادوا باسمى ليوم القيامه ........وولادى بعدى حلفوا يواصلوا لحد مايلقوا بر السلامه ....... أنا شهيد حبك وبس وعشان عيونك كله يهون ..... تفدى دموعك كل العيون ....ولا يوم هتبكى ....ولا يوم هتشكى وتقولى ابنى فاتنى وراح ...... ويا الجراح مش راح يكون ...... انا هنا ليكى أحلف بأرضك ويا سماكى لأحمى عرضك نيلك وزرعك وتعيش انتى أم البلاد
- Abd Elsalam Tawfik والله بكره يابنت عمى,,, لنرجع كل اللى راح وولى,, وتروحى انت والعيله,,, ومعاكوا احلى فلوكه ,,, وتعدى للناحيه التانيه
- وفاء بركات يارب أخي الغالي انا وانت والأهل
والحبايب في الأقصي نصلي
ونرفع غصون الزيتون لما
عدونا يرحل ويولي..
والله واكبر بأعلي صوت
تشق السما ونعلي.
نمد الخطاوى ونقول غناوى
والفرحة تفضل في القلب تملي
دمت أخي الفاضل دكتور عبد السلام
ليست هناك تعليقات:
إرسال تعليق