• وفاء بركات

  حوريني ياطيطة بلطافه
  حوريني ياقشطة علي كنافة
  حبيني ومتخدنيش علي مشمي
  ده انا حيلة ابويه وامي
  بأموت قوى في شقوتك
  ويكفني شر عبطك
  حاوريني وبلاش تخديني
  في بحور عينك تغرقيني
  عجبني طول لسانك
  ولفحني ورزعني جنانك
  وعزولي بيترصد ليه
  بخبس وبسوء نية
  بيعد عليه أنفاسي
  ومستكتر عليه الملاغيه
  و بعد مرحتي وسبتيني
  عايش علي ذكرى حنيني
  وكلمة تسعدني وتشجيني
  بأحبك أكتر م بتحبيني
  ياعبيطة وهبلك جنيني
  يافرحة قلبي وضحكة سني
  مش حنساك ولو هجرتيني

  
  

  • .
  • • 

      فارس الحريه

      راح أقولك حاجه ياوفاء ...بتعجبنى شقاوة حرفك ..... عمال يتنطط وياخدنى .... لبحورك غرقنى فى ظرفك .... مش لاقى حاجه توفيكى .... حيرتينى ببدع كلامك ..... لو عمرى كله يكفيكى .... أفضل أتغزل فــــ اشعارك .... بس حقيقى عجزت قصاده ..... اتغزل واقوله إيه ....لو كل القواميس مش كافيه ....القاله كلام لايق بيه ...... وساعات الصمت بيقول أفضل كلمات كنت هقولها ....... علشان كده راح أسكت خالص ..... يمكن كلماتى توصلك ....وتقولك تسلمى ياوفاء .... تسلمى وكمان يسلم شعرك ......... خالص تقديرى واحترامى لأختى الغالية وفاء ..... فارس الحرية