• وفاء بركات

• وفاء بركات

  لوحه مصريه
  
  داعب النسيم الشجر
  مال على الجنبين
  طل عليهم القمر
  تخشى من جماله العين
  تحت الشجر كان فيه ولد
  على ربابه قال كلام زين
  من حلاوته زقزقة له العصافير
  ومراكبى كان بيجدف
  بمجدافه رمى سلام
  شراعه رفرف
  لكل من شافه
  نزل شايل شبكته
  علي اكتافه
  وصحبة صبايا
  ملاح ضحكتهم
  ولا الغنوة شافهم
  نور الصباح
  رمي عليهم كام كلمه
  رق له قلب صبيه بصة له
  برمش ليلها والحياء سبيلها
  وقع نور الصباح فيغرام تسبيلها
  ضحكت عليه شجرة
  لما إكعبل في جدورها
  جرى عليه إسدحمد وبإيدو كوباية
  عناب مشبره وساقعة
  ترطب قلب عاشق داب
  شربها بالهنا بس الهوى غلاب
  تابع خطاوى الصبيه ودخل من الباب
  أم طه ويا أم بشره بيبسو كحك العيد
  جتلهم البشرى ملو الدنيا زغاريد
  وإتعلقت الزينه هلال ويا صليب
  تقدر تفرق عيونهم الفرحانه
  أبعد عنا ياربي غل عدانا وأبعد ياشر بعيد
  نزلو الولاد الشارع يلعبو الغمايه
  فرد الولد إيده يتحسس السكه
  مسك وسط أم فريد ضحكة عليها دميانه
  وإطباق بين الشقق رايحه جايه
  دوقي وقولي رأيك ياغاليه
  تسلم الأيادى وعمايلها الهايله
  بطرس في المصنع لف علي إيده سير
  جرى عليهمصطفي شاله من ع الأرض شيل
  وعطاله من دمه يحيا ولاد النيل
  فلاح بيحلف كل من شافه
  بعشق الأرض له لما شقها بفاسه
  ورعرعت عيدان قطن وقمح وضره وخضره
  ودار المكن وإنقادت الفوانيس وصنع مصر
  في العالم ملا الفتارين وإنتعشت البورصه
  لما تلاقي ورد فتح عيونه لصوت جرس وأدان
  هي دى مصر حب وتسامح وجمال
  ملحمة ود وحتفضل كده بناسها الجدعان
  علي طووووووول الزمان

  • منذ 6 دقائق

    برج حمام شريف الهمامى

    • قصيده بعنوان (احلم)
      ماتخفش من بكره ولو هو جبل
      بنفسك وقوتك
      ببسمتك وضحكتك
      امرك حيتعدل
      غنى غنوه لما تغنيها
      الطير
      يلحنها ع اوتار الشجر
      ونسيم الهوى يوزع كلامها ومعانيها
      والحقيقه انت اكيد مشتاق ليها
      امشى ع الارض واتكبر
      وان كان الكبر ذنب اكبر
      بس تحس انك قوى وشديد
      اما كلنا فبشر وعبيد
      يابكره انت حلم ولا امبارح
      ولا زمنا هو زمن جارح
      احلم
      الحلم لا عيب ولا حرام
      احلم تكون ملاك او انسان
      المهم ماتخفش من بكره
      كنت قوى او حتى جبان
      انتهت شعر شريف الهمامى
      بس انا فى المبتدى شاعر ملاك الشعر تحملنى جناحاته

      
      

      • Ahmed Bayoumy يا مصر يا امن الملس والطرحه ..وعيال كتير تملى العيون الفرحه ..نيلك بيجرى شايل عذوبه وفرحه وادى وفاء بتكتب للرجال السمر الشقيانين وبتبوس ايدين الغلابه المحرومين اللى زرع الارض وحمو العرض من ايام مينا لجمال عبد الناصر مرورا بصلاح الدين وراح يفضلوا كده دايما على طول السنين

        منذ 44 دقائق ·
      • 

        منبع الشعر العربى خضر يامصر ياأم الشجره والضله ... وشمس عافيه وأرض خيرات ... عاشق ترابك وياحلوه على عنيه .... أنظر أشوفك غرقانه فى الاهات ................ رائع اختى وفاء .