حكاوى الحب للشاعر بيرم المصرى
حكاوى الحب تشجينا تفرحـــــــــــــــــنا تبكينا
ومن بكره نصير حواديت وناس غيرنا حتحكينا
شفايف حمر مرعوشه مهى عطشانه مسكينه
وقلبى أسير يبات مجروح ورمش العين سكينه
***
أحفظ جسور المحبه وإن كنـــــــــــت مش جايز
جايز زمانك يحــــــــــوجك للى إنت مش عايز
وإفتح عيونك مفنجله لو كنت بين الحفر جايز
يمكن تفوز بالهـــــــــــنبكه قصدى أقول جايز
***
الحب مش بالأجل والدفع لازم كـــــاش
ومصيره يوم ينكشف إللى يكون بكاش
والكدب ماله أجــــل ولا ينفعوش إنعاش
وطرحه لازم فشل لو كان بقى أو عاش
وفاء بركات يقول...الحب في قلبه العاشق خباه
لكن العين فضحاه
ورعشة أيده وتنهيدة الآه
وحمرة خدوده يلين ليها
قلب العتاه
ونسأل ليه الدنيا
حوالينا بتتغير
أول م قلبك يدق
عقلك بيتحير
الأماكن نفس الأماكن
والوجوه هي الوجوه
لم تتغير
بس ليه كل حاجه في
عنينا بقت حلوة
ليه الكلام بيخرج
مننا غنوة
ليه مهما
شاخ عمرنا قلبنا
يقضل صغير
سمعنا عنه
ومنه بنكون حظرين
وغصب عنا بنحلم به
ونفضل له منتظرين
فرح قلوب وتعب
قلوب ناس تانين
وإن دق بابنا وجب
نكون له طايعين
الحب اخد واعطي
شركة مابين اتنين
زاده موده ورحمة
بين الزينه والزين
يتحس ولا يتقال والكدب
فيه بيبان
لايعرف جاه ولامال
والصدق له عنوان
لاغش ولاخاين
وأقول يابيرم
قول وسمعنا
كلامك دايما زين
حكمة له معني
تكتب تلات ولا اتنين
إحنا هنا قاعدين
وربعياتك تجمعنا ....
