• اسامة العيسوى

  مش مهم
  
  مش مهم تقول باحبك
  المهم احس بيها
  لو حياتى شىء يهمك
  كنت احس بخوف عليها
  
  يعنى ايه تقولى قلبك
  هو عمرى وكل حاجة
  واحس قربك زى بعدك
  وابتسامتك ليا عادة
  روحك مش باينالى فيها
  
  لوتسافر جوة قلبى
  لوتعيش فيه النهار
  كنت تقرا المستخبى
  كل جنة تشوفها نار
  مش هاتحس زييى بيها
  
  كل صعب اتحمله
  عمرى ما اشتكيت عذابك
  والطريق بنكمله
  ألقى مكانى مش مكانك
  والحياة باسأل عليها

  
  وفاء بركات يمكن يكون كسوفي
  يمكن ضعفي ويمكن خوفي
  ان كلامي لقلبك ماوصلشي
  بتخليني اكلم نفسي
  وليه ليه مبتسمعشي
  وانا عايزه اقولك
  اللي في نفسي
  بس عتابك قاسي وجارح
  وانا بالي فيك شارد سارح
  وفاكرني إني مبسألشي
  تغضب وتفوتني وتمشي
  انا قلبي ليل انت فجره
  وعيني ضي انت سحره
  ولساني كلام انت لغته
  بيسقيني حنان انت خمره
  قلبي بكل حبه ليك
  ليه بتنكر عواطفه
  وإحساسي بيك ليه
  مش شايفه
  ومكانك في مكاني انت عارفه