مناوشات شعريه

وفاء بركات

في زحمة الحياة ناس
عارفةسكتها وناس تايهين
وناس خدودها علي
ايدها ساندين
وناس خدودها فرحانين
وعجوز في التمانين
عايش بقلب عشرين
وشاب قلبه شاخ وحزين
وناس مش عاتله الهم
وناس بتاكلها بالدم
وناس راضيه وناس جعانين
وناس عن الحياه رايحين
وناس ليها جايين
ناس علي مهلها
وناس متصربعين
ناس بتتباها بفاسدها
وناس تكلها بدقه ورغفين
وناس ما تعرف ربنا
وناس ليه متقيين
وناس كتير وفيه
ونا س كتير خاينين
وعلي كده فيه ناس
في الدنيا مسكين
وناس م تفرق معاهم
عايشين أو ميتين

- ابراهيم بيومى المحامى
  ونا س وناس وناس
  وناس تنباس وناس تنداس
  وناس ضاع منها الاحساس
  وناس قلوبها حجر وناس ماس
  وناس اعوذ بالله من شر الوسواس
  الخناس
  لو فضلنا ندور مش حنخلص
  تحياتى لدمائك المتجدده دائما
  - منذ حوالي ساعة ·
  - Ahmed Bondk اكيد دة وصف للاخوة المصرين اكيد لان احنا منهم عايشين حيرانين وفى الغلب دابين وفى خلاطة الزمن متصربعين ولا تعرفى ان كنا عايشين ولا ميتين ؟ تحياتى للاستاذة وفاء
    منذ حوالي ساعة ·
  - Mohamed Kamal الناس تبقى ناس ..لو كانوا راضين
    يوم كباب ..يوم هباب....كلنا بنام متعشين
    بس فيه ناس وناس ...تتحط على الجرح يطيب
    وناس من خفة دمهم ...تنسيك الهم والشيب
    وناس ولاد تيت .......سيبك منهم سيب
    والقلب اللي عمره ما داب... احسن له يدفن في الطين
    بالحب.. نبني ..نعمر ..نموت .....وندخل جنة النعيم .آمين
    
    وفاء بركات
    شكرا اخي الشاعر جمال عمران ..تقصد زمان الماضي الجميل
    اللي فيه كل الناس طيبين
    واللقمه حلال من عرق الجبين
    والناس لبعض متبسمين
    وحوالين اللقمه متجمعين
    يكلوها ويبوسو الأدين
    في الحزن والفرح ملمومين
    مفيش خروج ع الأدب
    وواجب إحترام الكبير
    والعطف ع الصغار والمحتاجين
    أيام مكنت بتاكل الزرعه
    بالهنا من قلب الطين
    وآى غلطه صغيره يندى لها الجبين
    زمن الحياء والأدب والخوف
    من غضب رب العالمين
    عرفاه انا زمن الماضي الجميل
    أيام كان الخوف ع البلد
    زى خوف الأم ع الجنين
    وخوف الأب علي أبنه
    من غدر السنين
    أيام كان يموت لو لبس
    ثوب مش مصنع إديه
    ولا غير زرع أرضه يغذيه
    أيام كان أبن الحته يخاف ع جارته
    زمن كانت فيه السرقه حرام والإفترى
    طغي والجامح له الف لجام واللجام
    زمن جميل وجماله في بساطته
    والسماحه والشهامه والمرؤه دى حلاوته
    
    فارس الحريه مش لاقى عندى كلام ....خلص الكلام منى ...... أقولك ايه ياوفاء قلمك مجننى .... ده ده كله اللى قاله مشرط ده والا قلم ..... ساعات ينقط فى دم وسعات يكون مبتسم ..... قلمك كأنه حياة فيها السطور ألوان .....زيه كمثل البشر أشكال على ألوان ...... وده مش غريب عن طباعه أصله قلم فنان ....فى ايد رقيقة كما ايديكى بيحكى كلام ...لكن حقيقى بجد ....بيحكى أحلى كلام ...... سلمت ايديكى بجد
    منذ 13‏ ساعة · · 1
    وفاء بركات
    يافارس الحريه ياللي الكل
    يسكت اما تتكلم
    بعد قولك مافي قول منك بنتعلم
    من قوته بقعد كتير مبلم
    وقول ياعيني علي كلامه
    فارس صحيح ومعلم
    منورني بطلاتك وحروفك
    تسلم الهله وجيتك
    تفرح قلبي مهما كنت بتألم
    
    جمال عمران
    كتبت الاستاذة وفاء بركات ( فى زحمة الحياة )
    فأردت أن ارد عليها بتلك الابيات إتفاقا من حيث المعالجة ..
    ...............................
    **** الزمان المخالف ****
    
    يازمن الحب المنزوع من صدر البنى ادمين
    يازمن الغل المنقوع جوا الشرايين
    يازمن الود المقطوع والناس تايهين
    ******
    احوالك يازماننا عجيبة بكل صراحة
    فيك ناس طول عمرها مرتاحة
    وبتهرب م الراحة لراحة
    وناسي تشقى وتتعب فى الساحة
    فيك ناس تاخد كدة ببجاحة
    وناس تدى بضمير وسماحة
    ******
    ناس فى الابهة مطرح ماتروح
    وناس عايشين فى بروج وصروح
    وناس فى عشسش فوق سطوح
    وناس بتجيب اللقمة بزهق الروح
    وناس تصرخ حسها مبحوح
    وناس بتعانى مليانة جروح
    ******
    
    ناس تلبس خيش وتنام على خيش
    وتقف باليوم فى طابور العيش
    والحال على اده مابيكفيش
    وناس نفسها بس تعيش
    وناس بتنام دايما على ريش
    ويسموا الالف جنيه بقشيش
    ******
    ناس دايما بتبات جعانة
    وناس قاعدة تبص وشبعانة
    وناس تتعب دايما شقيانة
    وناس بتدور على شغلانة
    ناس شبعانة وناس فى مهانة
    ******
    ناس عندها اعمال مربحة
    وناس طايرين فوق اجنحة
    وناس بتلف على الاضرحة
    *****
    ناس فى نفوسها شر وريبة
    تأذى الناس بطريقة عجيبة
    وناس فى قلوبها سماحة وطيبة
    وناس عايشة على الدنيا غريبة
    ******
    ناس الدنيا واسعة قبالها
    وناس بتزيد دايما اموالها
    وناس تشتكى م اللى بيجرالها
    وناس مايسرش ابدا حالها
    وناس بتبيع م الفقر عيالها
    وناس الدنيا ولا على بالها
    ******
    ناس تركب ماركة خنزيرة
    وفلوسها تبعترها كتيرة
    تشترى فيللا خطيرة
    تعمل حفلة كبيرة
    تعشى الكلب لبن وفطيرة
    وناس من فقر الفقر فقيرة
    وناس من هم العوزة فى حيرة
    وناس رابطة على البطن جبيرة
    وناس تتغطى بطرف حصيرة
    ما تيجى نفضها والنبى سيرة
    رضا فايد
    تسلم ايدك اختي ..وفاء..هو دا حال الدنيا..ناس وناس...............فيه ناس كمان ضايعين
    ع الحلم مش قادرين
    زي العطاشي لامل
    والمر كاس شاربين
    فيه ناس كمان ماشين
    للخطوه مش فاهمين
    ياكل قلوبها الزمن
    فـ الغربه آه تايهين
    ..............تقبلي كلماتي المتواضعه...ودي وتقديري
    
    رضا عثمان وماشي ف الطريق
    ودماغي مش فيا
    
    وشايف ف الطريق
    ناس ياما ملهيه
    
    وسامع صوت زعيق
    وكلكس عربيه
    
    وناس بتقول غريق
    وناس معديه
    ....
    وهيا دي الدنيا