اعيش احبي
اعيش احبي في دنيا الشــــــــــوق عشان جاهل
ولا عرفـــــــــــتش اشد في ايه ولا امتي هنتساهل
اعاني هموم وحـــــملي ثقيل علي قلبي وع الكاهل
علاني الشيب ومش قادر وسني كبير منيش جاهل
وده قلبي واهو بيدور مع الغزلان
واهو في صــــــــدري ولا المجنون ومسه الجان
وده حــــــــــــــــــالي ومين يرحم
***
ودي البــــــنوته في اللفة عيونها وساع وتتفطم
في وش الريح بعودها تميل يعدي الريح م تتقرطم
وقلت اداويه سهرت الليل مابين احبابي بتلطم
ودا جرح الــــــــغرام مؤلم ومين يشفـــــــــيه
د لمســــــــــه شوق ونظرة عين ياناس تكفيه
وصوت حبي يكون مرهم
***
الحب امر القدر ما ليكش عنه رجــــــوع
والامر ده ينكتب وفوق الدمــــاغ مرفوع
والحب زاده غزل قرب يموت من الجوع
وصوت انينه علي بين الــــملي مسموع
وياريت يا حوا تعطفي
الفرحة يومها ماتنطفي
والقــلب راح ينـــــــعم
ياترى الي قريته ده
صحيح ولا دى حلاوة روح
تشتكي بدمع العيون
والقلب يبات مجروح
من الجرى ورا الغزلان
تعب القلب ونهج
والصوت بات مبحوح
من السهر والنوح
يصبح عليك النهار
مناك تكلمها
بتدور علي شبكه الإيه
في هواك هتكعبلها
دى غزالة شارده
وإزاى تلجمها
دارسه فنون الدلع
وتقل دليلها
توقع احسن جدع
برمش تسبيلها
ودى حاجه صعبه
قوى إزاى تعللها
ورحت تشتكي احوالك
للي حالهم من حالك
لاحد رد عليك
وشمت عزالك
قالو عليك كركوب
وقلبك خانك
بقت حياتك بالمقلوب
وبتكلم خيالك
جرب تعيش الحياة
مع القريب من سنك
خطوته علي قدك
وطريقة كتير سالك
قلبك باين عليه
عايزله تعويذه
وعين عفريت وبخور
حسبة كده بريزه
أوعي مني تزعل
وتقول دى تأويزه
وتطلع غلبك فيه
وتقلب عليه التربيزه
فرفش بقه وإضحك
وفكك من التبويزه
بعد كل الكلام اللي
اللي فات والله لنا قايل
لسه بتحبي في الغرام
وبتسند علي حيط الهوى المايل
بتقول غشيم بدنيا الغرام وبه جاهل
اتحمل لوعة هواه وناره
وليل دمعك السايل
اسمع كلامي وأوعي
تكون مني شايل
إمضاء تلميذه بتعزك تتمني
تكون للنجوم السما طايل
ولا تقولي قيس وعنتر
وعديها بقي جمايل
ليست هناك تعليقات:
إرسال تعليق