حوريني ياطيطا ياللي انت عبيطة
وشبابك فاير في الحركة نشـــيطة
ولسانك مبرد في الشتم سليــــطة
بتجـــيبي كوارث وتقولي بسيطة
حـــورينــــي وانا برده هــــــحاور
وخدينـــــــــي في القرب مجـــاور
اندهلـــــــــك وتردي علــــــــــيه
***
حوريني ياطــــــيطا وبراحة
دي رموشك حامية وجراحة
وخـــــدودك طعـــــــم التفاحة
وهجرتي ماعرفت الراحــة
في الجنة كنا بنتـــــــــزاور
وهـــجرتي منغير مانشاور
وغضـــــبتي ودفعتي الدية
***
حاوريني ياطيطا حاوريني
ومنين م تروحي تواديني
من بـــــين احبابك عديني
وبعطفة قلبـــــــــك وديني
بنحارب فيها و بنــــــــاور
وعزولي بالــــــفرقة يشاور
وكلامه فـــــيه سوء النـــية
حوريني ياطيطة بلطافه
حوريني ياقشطة علي كنافة
حبيني ومتخدنيش علي مشمي
ده انا حيلة ابويه وامي
بأموت قوى في شقوتك ويكفني
شر هبلك وعبطك
حاوريني وبلاش تخديني
في بحور عينك وتغرقيني
تنطيطك وطول لسانك لفحني
ورزعني جنانك
وعزولي بيترصد ليه
بخبس وسوء نية
بيعد عليه أيامي وسنيني
ومستكتر غليه حنانك
حتي بعد مرحتي وسبتيني
أعيش علي ذكرى حبك
وكلمة تسعدني وتشجيني
لحد ميأذن المولي ونتقابل
حفضل أحبك أكتر م كنت تحبيني
ياعبيطة وهبلك جنيني يافرحة قلبي وضحكة سني
مش حنساك ولو هجرتيني
ليست هناك تعليقات:
إرسال تعليق