ادفع عمري والقاها مرة تسال عني
لو تتكلم نلقي طيور الدنـــــــيا تغني
قلبي الجامد كان موعدني لكن خاني
خلي دموعي تنزل ياما غصب عني
ياللي جمالك نعمة ربك هو العاطي
قلبي اتغزل في جمال خدك ولاهوش خاطي
انت الطب وانت الــــــــــداء
ادعوا برحمة لاســــــم بهاء
***
ادفع عمري يعني الماضــــــــــــــــي وكل الحاضر
واسمـــــــــــــــــــــــع تاني لما انادي كلمة حاضر
والمح تاني سنها ضاحك وشــــــــــــها نـــــــــاضر
وانت مليكة الدنيا بحالها جوه بوادي وجوه حواضر
شوفي ملاك الحسن بنفسه لجل جمالك حاطط واطي
حتي بنات الحور لجمالك لما تعدي الكل يتطـــــاطي
انت الطــــب وانت الداء
ادعوا برحمة لاسم بهاء
الله يرحمها ويرحم امواتنا جميعا
يديك صبر علي قد غلاوتها
يلي في قلبك دايمة محبتها
هي في عالم وانت في عالم تنده
تلقى في ودنك صوتهاورنت ضحكتها
عمرك ده ملك القادر مش بإديك
صلي علي المصطفي اللي حيشفع ليك
وأطلب من الله يعينك ويرعيك
وينزل السكينة ع قلبك ويهديك
وإن كان جمال حسنها وخطوة رجلها
ورسمة قدها ودماسة طبعها
مآثر فراقهم فيك إن كانت هي بهاء
فأنت مثل جميل للأخلاق والوفاء
وده حاجة مش جديده عليك
تجلد بالصبر وإحتمي بالإيمان الله راعيك
ليست هناك تعليقات:
إرسال تعليق