بيرم المصرى يقول

وقفالو جوه في شقتها وموربه الشيش

ويشوفها قلبه بيرفرف ودمـــــــــاغه تطيش
و يطير في الدنيا واحلامه بجناح من ريــش
حـــــاله وكان مفضوح
لو يجـي او كان بيروح
وقلبـــــه لــما اتلـــــسع يشــوف ذراعها يــدوخ
***
قلب المحب اتحشي بالولعة ويا الـــجاز
بات القلق والسهر عند المحــــب اعزاز
والنوم يجافي فرشته ميلقاهوش لو عاز
بالدمـــع ويا النـــوح
الحس بات مبحـــوح
واللقــــــــمة ما تنبلع وزوره كان مشروخ
***
عازب وقلبه اتحرق علي البسمة يتـــنشأ
نفسه يعيش دنــــيته عاشق ويتـــــمعشق
بس العوازل حرس في الحــــتة مترشــق
والســــــكة كانـــــت زلق
بطوله علي الارض اندلق

وكعبه رجله اتلوى ودراعه اليمين مملوخ

وفاء بركات يقول...

ردى علي وقفالوا
زمان قالوا في الأمثال
عينك تدكها
وأيدك م تقدر تمدها
محدش غصبك علي حاجه مش قدها
الشيش ماادارا حتي ولو إتوارى

لطشة هواها عملة فيك فعل السكارى
ووقفت كماالخفاش في ليل السهارا
والحب بهدلة للشاب وأبو عكاز
وعيون المحب تفضحه حتي ولو إزاز
أما العوازل درج بين حريف وأستاذ
في كشف ستر الأحبه والتقل في دى
المسألة ياناس متعاز
وشاديه أم الدلع قالت ع الخاله عم
وعملة الشاى لأبوها وديتو للأم
وانت ياولداه كعبك إنزلق
وذراعك إتملخ من نظرةورا شيشها
إرمي بياضك ياجدع
ونيتك إفرشها
قدمها تلقي الرضا
بان في عينيها ورموشها
وحترضى بحالك وحياتك حتعيشها