بيرم المصرى يقول
عشان ولدنا
عشان ولدنا سلام ومافيش سلام سلاح
قلنا الكابوس انكشح قلنا كمان انزاح
طلع الكلام فى الليل طلع النهار وأهو ساح
والعصبة مش للخير
ماشية بأمر الغير
والشعب مش بهلول
***
وركبنا فى المركبة فى الضلمة خبوا الشط
وعلينا فوق الموج ماعرفنا فين ننحط
والدفة متكسرة فى ايدين قناصل بط
مركبنا بتتطوح
ولا حد حيروح
ملناش فى يوم وصول
***
الحمل فوقنا تقل والكل بات بيإن
قلنا ملهش بديل سنك قصاد السن
وقلوبنا صابحه حجر بالغش مش حتحن
يوم القصاص موعود
والحق سيف ممدود
ودراعه مش مشلول
كل يوم تلات نطوف
هنا وبسم الله نسمي
نقرا كلام موزون
علي الواحدة ونغني
كلام يدرس يمخمخ
ويهندس وقت
اللزوم تلقاه
حكمةومعناه جواه
الصور اللي فيه
واضحة مبتغلبش
اصلها من صميم الحياه
منك بنتعلم إزاى
يكون الوفاوبيوتنا
يملاها الدفا
إزاى حال بلدنا
نرصده ونسجلة
ونضرب مثل لولادنا
الحرية حق لايمكن نهمله
والسكوت عن أى حق
جرم أثم من يعمله
كرباج سوداتي ده منتدانا
هنا نقرا والأراء ملتقانا
ويارب دايما حسك معانا
ولا نتحرم من لسع كلامك
ودايما حواليك أحبابك
والسلام عليك وعلي
كل من زارك
ولا سلام مع اليهود
ولا للغدرهم شارك
