تقضي الليل علي ضحكة نفوس عايمة مع الفشة
في يوم العيد تجيب كارع مع رطليين من الكرشة
بتعريفة تجيب طرشي واهي حاجة تكون حرشة
ونسل العار يجيـــــب كافيار
وزي الثور في غيط برسيم
يروح ياكـــــــــــل ولايشبع
***
وشوش كالحة عاليها سخام ومن شافها يقول اتفوه
وشر جـــــــــــبان علينا يبان ولو داروا ولو يخفوه
عشان مسخة وأيد وسخة وكل الناس اهم عرفوه
وفوق احمار وبالمقلوب عموم الخلق هيزفوه
وكام طبال وكام زمار
تكون جرسة لانه لأيم
وكان اطرش ولايسمع
عموم الشعب كان قانع وحامد ربه
يبوس الكف وش وظهر وبيصبر علي كربه
شايف بعنيه كبراته وتنايا لغاليهم
والسواد اللي باين في عمايلهم
وماله وخير بلاده اللي حطوه
في كروشهم وماإتملت عينهم
لحد الشعب مانفذ صبره وقال جاى
انا جاى وأملي كبير في بكره
أمسح دى التصوير أم وشوش عكره
وأرسم صوره ليه وللجيش والشرطه
وإحنا بنغني علي صوت التروس
وإقلام بتخط في الكراريس
وشقة الأرض بضرب الفؤوس
تعيشي يا مصر حره جوه القلب
وفوق الرؤؤس
ليست هناك تعليقات:
إرسال تعليق