‎Yaser Farid‎

تعبت ::
ــــــــــــــ
تــعـبـت تـعـبـت لـــحد مـا شـبـت ... وضـــــاع الـعمر ورا الأوهــام

ومشيت مسافات بدموع وآهات ... وبقلب جـريح مـعـرفـش يـنام

كـان حمل تقيل على قلب عليل ... ماقـدرش يـشيله من الأيـــام

تــعـبـت تــعـبـت يـادنـيـا خـلاص ... كل اللى بنيته اتــهد خــــلاص

والشوق والحب اللى زرعناه ... فى قلوب أحبابنا ملـهـش أساس

نــقـطـة بـــــدايـتـنا كــانت بالحب ... عـليها عـلامة ختمها الـقـلب

شايلين أحلامنا فى عز البرد ... فى طريق مــفروش بحنان الــود

ومــشـيـنا كـتـيـر وقــابلنا كتير ... وبرغم دا كله دا كــلــه اتــهـد

دَبـَــحِـتْ أحـــلامـنـا خـــلاص أيـامـنـا فى يـوم مـا زمـانا عـدا وراح

وبقينا عايشين مع ناس ..تانين فى زمان ما اداش لـقلوبـنا بــراح

خــلانـا تـعـبـنـا وتـهـنـا ودوبـنـا ف بــــحـر عـــذابـنـا مـع الأوهــام

• • 

    Wafaa Brkat
    

    وأدينا عايشين الحياه بحلوها وبمرها
    توهنا في دربوها ودوامتها
    بس هيه دى الحياة من أول
    صراخنا لحد شهقة فراقها
    وإحنا بنتعلم والعلم ملوش منتها
    نكبر نشيخ وإحنا لسه جوه خندقها المخيف
    متعرف ايه ممكن يكون بين ترفة عين
    والتانيه الربيع يتبدل خريف
    تحسبها بين إيديك وفاجاءة تضحك عليك
    ولوحدك تلقيك ولاحد حاسس بيك
    حسبه بنحسبها من غير
    حسابات لاحروف ولا أبجديات
    دنيا تعب دنيا آنين الفرح فيها كتير ضنين
    بس بنحبها علشان فيها أحباب لينا عايشين
    زحمة يمكن خنقة يجوز بس هي دى الحياه
    وأدينا فيها عايشين حقيقه أو رموز