• ‎Wafaa Brkat‎

  راح أغني للإ شي إش إش
  
  اللي أول ما علي لينا طنش
  
  فرد جناحه وإنتعش
  
  وأكل الكفته والرييش
  
  بعد الفول و المش
  
  عوج رقبته وإتلوح
  
  أول م جيبه إنتفخ
  
  وحلت الأساتيك
  
  بدل الشلن والقرش
  
  وعرف سكة البنوك
  
  والفيزا والصكوك
  
  الله يرحم أيام م جلد بطنه
  
  في ظهره لزق
  
  دلوقت الأشي إش طلع له كرش
  
  اللهم ماحسد بس هو علشان
  
  عطاه ربنا لينا م يفتكرش
  
  إتمسكن لغاية م تمكن
  
  ربا أنياب وضوافر تخربش
  
  ومن طرف منخاره يقول
  
  للغلابه هش هش
  
  ما تفرحش بمسح الجوخ
  
  واللي بيضحك ليك في الوش
  
  أول متزول النعمه عنك وريشك يكش
  
  حتلاقي كله بعد وهوب فش
  
  وراح تعرف أنه كله ضحك
  
  علي الدؤون وغش
  
  تدور علي اللي يسندك
  
  مش راح تلاقي غيرصديق
  
  أكل معاك عيش ومش
  
  لعمره نافقك ولا مره غش

  
  

  • • 

      Mohamed Kamal كنتوا زمان اهلي ..دلوقت اهلي القرش .افطر كفيار ..اتغدى جمبري ...وانتم خليكم للمش.اصل انا فهلوي ...واهلي علموني الغش .ومش هتشمتوا يوم ...اصل قروشي الحسد والنار منها تكش.عيش وملح ايه بس ...دي حاجه تنشف الريق ولا تعمل كرش