المنشورات الأقدم- الحوار الكامل بيني وبين الاستاذ عادل الغتوري المبدع
******************************
*******
حسام الشعر
*********
ماتستاهليش
لو راح تبكى عليكي عيونى
هاحبس دمعى وبرضو هاعيش
مش معقول ياحبيبتى تخونى
وابكى عليكي......ماتستاهليش
الاستاذ عادل غتورى
*****
يالى كسرتى القلب تعالى
اسمعى منى .....حبى مفيش !!
عشت عشانك وانت غدرتى
يبقى خلاص ..ما اعطلكيش
حسام
*****
ايوا صحيح انا لسه باحبك
ايوا انا كنت اتمنى رضاكي
لكن هابكى ازاى على حبك
اذا كان حبك تاه فى أساكى
حتى العمر اهو ضاع وياكي
واللى يضيع بيروح مايجيش
ماتستاهليش
الاستاذ عادل
*****
كل دقيقه ابكى عليها
دا نت خسرتى قلب كبير
كل ليالى الهنا بعتيها
كنتى مليكه وكنت امير
ابكى وخلى دموعك تغسل
كل ذنوبك ...ماتكبريش
حسام
***
لازم اقول لك قبل ما اسيبك
ان جمالك داب فى عيوبك
رحتى نسيتى حنان ايامى
بعتى وخنتى وقلتى نصيبك
انك تنسي حتى حبيبك
ازاى تنسي ماتفتكريش
ماتستاهليش
الاستاذ عادل
***
كنت بحبك ...ايوه صحيح ............انا كنت بحبك
عشت اخلصلك ايوه صحيح انا عشت اخلصلك
بس خلاص .......اتبدل قلبك
مطرح حبك ....عند وطيش
حسام
كنت فى اول بعدك عنى
بالقا دموعى بتهرب منى
أصلى ماكنتش عارف انى
بيكى بغيرك برضو هاعيش
ماتستاهليش
الاستاذ عادل
****
يمكن بكره يجبلى حبيبه
تداوى الجرح
تسكن قلبى وتبقى قريبه
واعيش الفرح
ممكن جدا تانى اعيش...
حسام
***
خلى القلب بحب يسلم
يكفي سنين واحنا بنتألم
سيبي عنيكي راح تتكلم
هاتقول غير الحب مفيش
الاستاذ عادل
***
وانت براحتك سافرى ودورى
يمكن بكره يصيبك دورى
واللى قاسيته معاكى تشفيه
لكن قلبى خلاص انسيه
فرصه وضاعت ما تحوليش
الثلاثاء، 27 ديسمبر 2011
الاشتراك في:
تعليقات الرسالة (Atom)
ليست هناك تعليقات:
إرسال تعليق