skip to main |
skip to sidebar
كدبه اسمها الفرحه
--------------
لسه باقيه ف الضلوع
شويه حزن متكتف
بحبل الهم
وبحرين دم
ف ضلوع الوطن سايل
ليا سنين بتحايل
على الضحكه
عشان تاجى
تولع شمعه مطفيه
ف شارع قلب متالم
بيسلم على الدنيا
بروح قرفانه - زهقانه
من العالم
وكدبه اسمها الفرحه
ف زمن مجروح
لسه دموعه سياله
ف كفن امسى
وانا بمشى على الضحكه
بلاقى سدود
وحدود حزن مبنيه
ف وش النور
وبحور جيه تاخدنى
عشان اغرق
جوه ضلوع منفيه
ف جسد مشلول
ليست هناك تعليقات:
إرسال تعليق