تيجي كل جمعة وكل حد
نعمل مليونيه يالا ندمر يالا نحرق
انا مش بهزر انا بتكلم جد
تيجي نقلع الزرع وكل شئ قدمنا
نولع فيه أونهد
تيجي نخربها ونقتل بعضنا
ويسكن مكانا الغربان والحد
تيجي أقطعلك وريدك وتقطع وريدى
حنلا قي بينزف ميه مش دم
حيسرى الدم إزاى في عروقنا
لما إتبلدنا وما عدناش ببلدنا بنهتم
وإتحصر حبنا ليها في مظاهرة أو إعتصام
نهتف بحياتها ونرفع اعلام
وجيبينها ورا بدل مندفعها لأقدام
تيجي نعمل كل جمعة وكل حد
وقفة إحتجاجيه عايزين فلوس
من بلدنا المنهوبه المكلومة
مش دى جرسة ودى ظلومة
مين تيجي الزياده
وانتم معتصمين ياساده
وانتم في الميدان واقفين أوجلوس
مفيش إدين شغاله
حمير انتو ولا تيوس
لو مشتغلتو وانتجتوا العالم
علينا راح يدوس
الأيد البطاله نجسة
والشغاله الكل لها يبوس
تيجي كل جمعة وكل حد نعمل مظاهرة
الفلول والبلطجية بينا تندس
وتخلي النهار في ليلنا
ودى طلقه مره في راسنا ومره في عينا
وعربيات لينا تدهس
ونشاور نتهم بعض
والحكومة فينا تقفش
وتسألنا وإحنا لاخبر ولاحس
مرة فلول مرة عميل مندس
طب من فوضها سيرة
وبلاش نمشي في مسيرة
وكل فئه يكون لها لجان
تعرض المشاكل علي الحكام
بحضارة وبكل حسم
وبلاش في كل جمعة وكل حد
نعمل مليونية يلا نخربها
ونحرق فيها ونهد
يلا إيد في إيد نبني ونعمر
وتبقي بلدنا أحسن بلد
ليست هناك تعليقات:
إرسال تعليق