حبة حبة ووحدة وحدة وبالهــــــــــــــــــوادة
مش جنازة نبكى فيها نسقى فيها القهوة سادة
اعتــذارى كان مطــول إيـــه يفيدك من الزيادة
ليه تبلغى فى صدودك والتعالى فيك عادة
***
اى عاشق لما يحكى كل قولة بالسلـــــــــــــيقة
بالدلايل والاشاير كل شــــــــــــــيخ وله طريقة
قولة صادق لما قال لك إنت حـــــظى من الخليقة
مش مخادع مش ملاوع قوله أبيض من الحقيقة
***
قلبى دافى لونة صافى مش ملــــــــــــــــون
عمره مايعرف خيانة عمره مايعرف يخون
حبك أنت حمل واعر كنت بأدعى ربى هون
كله سجلته فى دفاترى جوى عقلى كنت أدون
***
هجرك أنت ليه نصيبى والسوهاد دائماً سميرى
والأمانى الحلوة ضاعت ضاع معاها ليه مصيرى
قلبى جنة قلب غيرى شرة منه تستـــــــــطيرى
أسألى قلبك يقــــــــــولك ما فى غيره تستشيرى
24 أكتوبر, 2011
وفاء بركات يقول...أستاذنا الفاضل بيرم المصرى
كما عودتنا دائما تكتب وتبدع ونحن نقرأ ونستمتع وبرغم انك شادد علي حواء وهريها في رباعياتك الا ليس بمقدورى غير ان احيك علي نظمك واوزانك..
كتر البكي علمني النواح
يلي صدك ليا عندك شئ مباح
ولي بوزك مالي وشك كل صباح
ولما ميلك يملا قلبك عايزني
أنسي الجراح
وتفكرني بسهد ليلك وهجرى
منه اة يا ويلك
وإنك ياعيني قلبك مسالم
اتحمل ياما مني وشايل دفاترك
وهي دليلك
منين بتنسي ليه الأسية وانت
انفاسي عددها عليه
وتقلي عليك ماهو دلع
ولا بواريك في الحب البدع
عايزة اخلص حيرتي فيك
واشوفها في سهر عنيك
وافرح لما التيك بتشكي
حالك لدا ودا
وانا اللي كانت شكوتي
بتضحك منها عينيك
ولا في يوم قلبك لبي ليها ندا
وحال الدنيا يوم ليك
ويوم عليك
ليه بقي تقول بالهاوده
وكفاية صد وعند ودى
حاجه فوق العادة
اديك عرفت ياشيخنا الحقيقة
روح وغير دى الطريقة
اخرتها شوك وقلب قايد في حريقه
Nazih Alturky يا خسارة قلبك في الاسيه
معقوله ست الحسن الوفيه
عماله تطاول عليه
وانا ال طول عمري
بقول انت ال ليه
انت الهديه
وانت الوحيده ال قلبك
بيخاف عليه
ياخساره حبك يا وفاء
قلبي ناوي يرفع عليك
ميت قضيه
ليست هناك تعليقات:
إرسال تعليق