حمدان حلمى

بحلم بنور قمر
شارد ضياه يملأ
طريق الرجال بالليل
وهم سارحين
يحرسوا غيطانهم
وبحلم بنهار شمسه
تكون واضحة
ومش جارحه
تمد ايديها وشعاعها
لحد العين
وقطرات عرق صابحه
ترطب جبين حران
نحس ببرد وهفهفة تريحنا
في عز الحر
ف يوم شمسه
تكون دافيه
نلاقي الارض تضحكنا
ونضحك لما نرويها
بمية صابحه من نيلنا
ونكون اخوات ف الشده
وعل عدانا نكون ايد واحده
ولو متنا نموت والبسمة
تملأ القلب ببسمتنا
ووحدتنا يحتار العدا
فينا
................... حمدان حلمي ...............

• • 

    Wafaa Brkat
    بحلم معاك بنور قمر يضوى خير فينا
    بحلم معاك بحب يجمعنا يوحد الآنا فينا
    بحلم زيك بالأمان يملا ليالينا
    بحلم معاك بلقمة نكلها
    من زرع ارضي تسرى بالهنا تغذينا
    بحلم معاك تشيع الشمس الدفئ حوالينا
    بحلم بنسمة ريحها الطيب من غفلتنا يصحينا
    بحلم معاك بهوا صافي من سحابه سوده
    حجبت عنا أمانينا
    بحلم برشفة ميه نضيفه تروينا
    بحلم معاك يامصرى ياشقيقي
    ان كنت مسلم ولا مسيحي
    نصد كيد العدا ولا نشمتهم فينا..
    
    ==================

    • حمدان حلمى

      وبحلم كمام بنور الله يهدينا وبحلم نبص لارضنا بهمة ولعيالنا نعملهم بسمة عل وشوشهم بحرية يلعبوا ف بساتين الامل والرجاء واحنا معاهم حتي لو متنا وبحلم نبص لبعض من ناحية تانية كلنا من التراب وللتراب مرجوعنا دي مش اي ارض ولا اي بلد بنحرسها دي مصر يا خلق درة بلاد الارض وجوهرة رجال الكون تعالوا نغير النغمة ونتكلم من جوه القلب بنية صافيه ومحبة تعالوا نكمل باقي الوحة اللي رسمنا عليها احلامها تعالوا نكمل باقي الصوره ونعلق قلوبنا عليها نشوفها كل احلامنا

      17 minutes ago ·
    • 

      Wafaa Brkat
      دى المحروسه الرب بالأمان واعدها
      والرسول قال رجالها خير جنود
      الأرض يشتد ساعدها
      وأرضها تمشي عليها تصلب عودك
      وأسأل جدودك
      ربنا يحفظ أرضها وناساها
      الله يسعدها
      بحلم نكون حزمة ماتنكسر للريح
      ولا يكون بينا جريح
      وبالحكمه الرب يلهمنا
      بحلم لولدى وحفيدى
      بإن حب مصر يجرى في وريده
      زى مبيجرى وريدى
      
      بحلم بلمة ولادها في
      صحبة حنانها
      ويوم ماشيل رقبتي علي إيدى
      وأنهش لحم عداىا لو فكرو
      تندس رجلهم أرضها أو يأذوا حفيدى
      بأحلم بست الملاح نور الصباح ا
      الغاليه وهي حامله خطا يا
      وشيلاني وبحلم وهي حضناني
      وبسترها طوياني
      بحلم وإحلم معايا ينصرها
      الرب أدعي معايا
      من قلبي ووجداني
      إستودعتك الله يامصر يلي
      ماليش بعدك وطن تاني
      
      ================================
      

      • حمدان حلمى

        اتلاقت خطاويننا
        بحب من القلب اتمسكنا
        راحت ارواح منا وطارت ف الجنه
        طرنا معاهم بالعظمة
        ونادينا باعلي الصوت كسبنا دنيا
        لفت خطاوينا ف وسط الزحمة
        وبعدت ايادينا عن القلب
        ماتت ارواح حزن القلب عليها
        ومات من غير فرحه
        الفرصة بتيجي للانسان مره واحده
        احنا اللي بننتج ونغير ف حياتنا
        خدو عبرتكم من الفرصه الجايه
        قبل ما يدفنها قدرها ف لحده
        تعالوا نبص عليها بعين معتبرين منها
        تعالوا نخلي الفوضي نظام
        وف ارض الصبر ارموا حمولكم عل الله
        سلامتك يا سمره ...........

        14 minutes ago ·
      • 

        Wafaa Brkat
        علي طريق الحق أبدا
        ما تتوه الخطاوى.
        وتتلاقي القلوب حتي لو
        في صمت تغني الغناوى..
        نموت فداكي ياسمره
        وفي الجنة ننتهني
        وتعيشي باقيه درة
        في السما عاليا.
        عبي جراحنا في
        سجل التاريخ دونها
        ويالا نبني مجدها
        لجل أحفادنا ما تدينا.
        دولة الظلم في ساعة إنزاحت
        يلا نقيم دولة العدل تفضل
        معانا لآخر الدنيا..
        وكله يهون علشان عيونك
        ياأم الرجال ياسمرا
        تنزل في قلب عداك كيد
        يولع كالجمره .
        بحبك ومايل لك ميل
        وفي هواك هايم في
        ليلك ياللي للعدا قاهره