ممكن أقولك كلمتين ؟

بس اوعديني متزعليش !

هما مش اكتر من عتاب ،،

والعتاب ميضركيش !

،،،،،،،،،،،،،

لما اكون مشتاق اضمك ،،

والتقيكي متحضنيش !

والدموع تكوي خدودي ،،

والقى دمعي مهزكيش !

لما اقعد تحت شجرك ،،

والقى ظله مظلنيش !

أو أكون محتاج دفاكي ،،

واحس أنه مدفنيش !

أو لما اكون بردان وجسمي بيرتعش ،،

والقى شالي اللي غزلته بكل عمري مغطنيش !

وان قولتلك ليه الجفا ،،

القى جفاكي مينتهيش !

لما يفضل قلبي ينزف من جفاكي ،،

والقى نزفي مخضكيش !

لما اكون شايل همومك كل عمري ،،

والقى همي مهمكيش !

لما اكون عايش بنص القلب فيكي ،،

والنص في الغربه وبيدور عليكي ،،

واما يلاقيكي ،،، متفرحيش !

لما اكون عطشان واجيلك ،،

تتلوي ومترحبيش !

وابقى جاي مشتاق لنيلك ،،

وبسلامته ميرونيش !

طيب هاسيبك تحكمي ،

علشان اكون مظلمتكيش ،،

ممكن تقولي ازاي هاعيش ؟؟

وازاي انا هاقدر أطير ،،

إذا كان جناحي مفيهش ريش ؟؟

والا خلاص مبقاش يهمك ،،

ان كنت اموت ،،

أو كنت اعيش ؟؟

هو انتي ليه ،، مبترحميش ؟؟

هما كانوا كلمتين متحشرجين ،

وكان معاهم دمعتين متحجرين ،

حبيت اطّهر قلبي منهم ،،

قلتهم قصدي أعاتبك ،،

بس نفسي ،،،

متزعليش ........

ــــــــــــــــــــــــــــــــــــــــــــــ

عتاب / علي فرج


وفاء بركات ليه عتابك ليه م انت برده محستنيش
دقة قلبي نادت إرجع مسمعتنيش
ده أنت وحشيني وانت لسه مودعتنيش
سافرت ليه مرجعتليش
إزاى تستني ضلي
وأنا من بعدك آيه فاضلي
غير الجفا ونقص الوفا
والهم إاللي طالني وم أكتفي
بيقطعوني وبالرخيص بيبعوني
إزاي حضني يدفيك
إزاى شالك ح يغطيني ويغطيك
وانا مشبوحه ومجروحه وبهرب من نظرة عنيك
مشتقالك ونفسي تملا حضني
وترجع تنور ظلمة نهارى وخلا دارى
وتمسح صدا أيامي ويروح مرارى
عمرى م أنسي حته مني حتي لو نسيتني
ولا أضن عليك بحبي ده أنت إبني وغزل يدى
بس انا محتاجاك جنبي
محتاجه إيدك تمسح دمعي
محتاجه للأمل جوايا تبني
وفى شدتي تسندني
أيوه انا دلوقت محتجالك
أديني جوبت علي سؤالك
حتجيني فارد جناحك
وفي عز الليل أشوف صباحك
خلي العتاب متساب
وافتح عليه الباب
تلقي همومنا تنذاب
المتحدثه بإسم مصر
وفاء بركات

ا

علي فرج ( خواطر ادبية ) انتي فاكره لما جتلك كنت ناوي ارتاح في حضك وانهي عمر فراق سنين ؟ فاكره يومها عملتي ايه ؟ يومها رجعتيني تاني وخليتني اعود حزين !! اسمحيلي لفكرك واحكيلك اللي حصل يوميها والي عدى من سنين ،،،، لمّيت قلوعي وقلت ارتاح على شطك
وفاكرة أمااان ،
ورميت شراعي ف وسط البحر مطّمّن
لشط حنان ،
وشيلت الدّفة م المركب عشان تِهَدى
مفيش دوران !،
منا عارف ماليش غيرك هيحويني
يلملمني من النسيان ،
،،،،،،،،،،،،،،،،،،،،،،،،،،،،،،،،،،
ف وسط البحر وانا جايلك ،
مكانش ف بالي غير حضنك
ومشتاقله بقالي زمان ،
وكان نفسي ادوق نيلك
واسهر تحت قناديلك
واناجي في نجوم ليلك
وابوس قمرك واضمه كمان !!
لكن حيّرني إهمالك
ومعرفتش في أيه مالك ؟
قتلتي الفرحة في قلبي
وفجّرتي الدموع بركان ،
دنا اللي كنت آمالك
وتتمنيني ابقالك
وليه فجأة اتقلب حالك
تردّيني كده وجعان ؟
،،،،،،،،،،،،،،،،،،،،،،،،،،
رجعت اغزل شراع تاني
وأفرد في القلوع تاني
وهاعمل دفة بضلوعي
ومهما أقاسي وأعاني
مفيش باقي غير الدوران
وهارجع تاني للنسيان !!!!
ــــــــــــــــــــــــــــــــــــــــــ شكرا لحرفك الراقي سبدتي الجميلة استاذة وفاء ، خالص تحياتي وودي لكي .

وفاء بركات انا فاكره يوم رجوعك
لما إترمي شوقي في حضن شوقك
كنت مستغربني كده حسيتك
أول مره احس بخوفك
أول مره تهرب بسكوتك
********
كان قلبي ساعتها حزين
ده لقانا بعد طول السنين
لقيت عيونك متغيريين
فين لمعة الفخر والحنين
وإحساس ومشاعر آمنين
***********
ليه مقدتش قناديلي
ولو مسخت ماية نيلي
حليها إنت بوجودك
مد فيها إيدك
أمسح ندى جبيني
وغني لي يامه راجع سامحيني
****************
لكنك لملمت أحلامك وفردت قلاعك
ولطم الموج خدودى
ودمعي عدى حدودى
عانق ريح البحر
قلت قلبك ولا الصخر
ح رجع تاني لنار بعادك وقسوة عنادك
******************
ليه مجمعتش قمرى المتقسم
وانا اللي كنت برجوعك متعشم
يرجع لي هوا ليلي وأتنسم
والصحبه تحت العنبايه والسن يتبسم
*****************
كنت أملي لأيامي الجايه
إغزل شوارع
إفرد قلوع
لف دور شئ مشروع
لكن مكانك هنا بين الضلوع
ولابد من يوم الرجوع
نحقق الأحلام ونمسح الدموع
ده انت قلبي وعنيه
*****
أستاذى الجليل نتعلم منكم الرقي
خالص التقدير والإحترام لشخصكم الكريم